البطاله

موضوع: البطاله الخميس 13 أغسطس 2009, 1:24 am

حببت ان نفتح هذا الموضوع لنناقش فيه اسباب البطالة في الوطن العربي وتداعياتها وتاثيرها على حال الشعوب وتوجهاتهم وانتمائاتهم وما هي سبل حل تلك المشكلة ...

1- اسباب البطالة

هل السبب هو عدم كفاءة المهارات للشباب الذي يبحث عن عمل
هل السبب تقاعس الحكومات عن تشغيل هذا الشباب وتوفير مجالات العمل له
هل هو تقاعس الشباب والبحث عن عمل محدد دون غيره
وغيرها مما ستطرحونه

2- تداعيات هذه المشكلة
تاثيرها بين الشباب
تاثيرها على المجتمعات
تاثيرها على انتماء الافراد لاوطانهم
علاقة الافراد ببعضهم البعض
ارتفاع نسبة الجريمة
الانحراف بين الشباب
............... وغيرها

3- سبل حل تلك المشكلة
حلول فردية
حلول سياسية
تطوير فكر الشباب
تطوير مستوي التعليم
فتح مجالات للعمل
تكامل الدول العربية فيما بينها

ننتظر مشاركاتكم

موضوع: رد: البطاله الخميس 13 أغسطس 2009, 1:27 am

بصو بقى يا جماعه انا عايزة اقول شهادة حق

ان الشباب هم السبب فى البطالة

دلوقتى الواحد الصبح كدة يلاقى القهوة فاتحة ويلاقى الناس قاعدة وبتشرب شاى ويلعبه طاوله

يجى اخر النهار يلاقى الناس هم هم الناس بتوع الصبح هى هى كوباية الشاى هى هى الطاولة (ده حتى الطاولة زهقت منهم بجد )

وعمالين ياخدو فى مشروبات وشايات وكدة

وتيجى
تسالهم عن الشغل يقولك( ياعم الحاج احنا مش لاقين شغل الواحد بيتخرج مش
لاقى شغل فى البلد الفقر اللى احنا فيها دى ....دلوقتى اللى بيتخرج ومعاه
شهادة زيو زى اللى مش متعلم كلهم فى الاخر هيقعدو على تربيزة واحدة ويلعبو
قصاد بعض طاولة ومش بعيد يكونو صحاب كمان كان فايدتها ايه بقى التعليم
والارف؟ )

تقولهم طب ما فى شغل اهو يقولولك ( يا عمنا يعنى انا
يرضيك اتخر ج وامى تصرف عليا هى وابويا عشان ادخل طب واخد دروس ومش عارف
فلوس مواصلات ورايح الجامعة وجاى من الجامعة عشان فى الاخر تيجى تهنى
وتقولى اشتغل عامل فى مصنع طب انت ترضهالى ؟؟؟؟؟؟؟ )

طب يعنى هو يا
جماعة الشغل عيب ؟ هو انت لازم يعنى لما تتخرج تلاقى الوظيفة جيالك على
طبق من فضة وتقولك انا اهو لازم تلاقى وظيفة على المكتب ومريحة وفى التكيف
وتضرب الجرس يجيلك الشاى ؟

يعنى هو فيها ايه لو اتخرجت مثلا
واشتغلت اى حاجة اهم حاجة تشتغل مش احسن ما بتاخد المصروف من بابى ومامى
وتقعد على القهوة ليل نهار ؟

طب ده انا بلاقى ناس متخرجين من كليات القمة وبيشتغلو فى كافتيريا ولا حتى فى سوبر ماركت ولا حتى فيها ايه لو اشتغلو عمال فى مصانع

والله بيكبرو فى نظرى قووووووووووووووووووووووووو

وووووى

على
الاقل مش فضل قاعد على القهوة كدة ليل نهار على الاقل بيصرف على والدته
واهله حتى لو هم مش محتاجين انك تصرف عليهم على الاقل انت بتحقق ذاتك حتى
لو مش فى مجال دراستك بس على الاقل بتاكل (من عرق جبينك )وفى حديث عن
الرسول صلى الله عليه وسلم بيقول ((افضل الكسب عمل الرجل بيده وكل بيع
مبرور ))

بصو يا جماعة الحياة دلوقتى بقيت صعبة وعمر ما حاجة هتجيلك بالساهل لانها لو جات بالساهل عمرك ما هتحس بقمتها وهتسبها بالساهل

ايام زمان كان الواحد محتاج حد عشان يطلعه اول سلمة

دلوقتى احنا بنمشى فى طريق طويللللل قبل ما نحط رجلينا على اول سلمة

والطريق
ده لازم نصبر فيه اكيد هنقع ونتكعبل اكيد هنقابل ناس كويسة اكيد هنلاقى
ناس تجرحنا بس اهم حاجة نحط رجلينا على اول سلمة والباقى ان شاء الله
هيبقى سهل

بلاش نستنى ان الوظيفة تجلنا لاحد عندنا ..انزل انت ودور واسال وسيب نمرة موبايلك وقول انا مستعد اشتغل اى حاجة الشغل مش عيب
(ليس العيب الا العيب )